Хүннү гүрний 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр цэнгэл наадам Хүй долоо худагт хязаалан, шүдлэн насны морьдын уралдаанаар эхэлж байна. Энэ үеэр Монгол Улсын гавьяат жүжигчин Л.Баттулга наадмын сэтгэгдлээ хуваалцлаа.

    Тэрбээр “Сүүлийн жилүүдэд наадам их цэгцтэй, сайхан болж байна. Морины холбоо, сурын холбоо, шагайн холбоо их хариуцлагатай ажиллаж байна. Сүүлийн хэдэн өдөр хур бороо ихтэй байлаа. Үзэгч, уншигчдадаа баяр наадмын мэнд дэвшүүлье. Би монгол хүн, уран бүтээлчийнхээ хувьд олон бизнесийн байгууллага нийгмийн хариуцлагынхаа хүрээнд дэмжиж оролцдогтой адилхан дэмжиж ажиллана. Дүүгийнхээ компанитай хамтарч наадмын зургаан насны морьдын уралдаанд оролцож, айрагдуулсан эхний 30 хүүхдүүдийг тус бүр нэг сая төгрөгөөр шагнаж, урамшуулна.Хязаалан насанд уралдаж айргийн тавд орсон хүүхдүүдээ урамшуулчхаад ирсэн” гэв.