Сэлэнгэ аймаг Мандал сум, Тарнийн гол үерлэн төмөр замын хөдөлгөөн хаагджээ. Тодруулбал, 100 гаруй алба хаагчид ажиллаж 16:56 цагт хөдөлгөөнийг хэвийн болгосон байна. Мөн тус сумын Хэрх дөрөвдүгээр баг, 41 дүгээр зөрлөг гэх газарт Хараа голын ус эргээ даван үерлэж хоёр гэр усанд автсан тухай дуудлагыг долдугаар сарын 5-ны өдрийн 6:42 цагт хүлээн авсан. Тус аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчдыг очиход хоёр өрхийн хоёр гэр үерийн усанд автсан байсныг дөрвөн цаг ажиллан нүүлгэн шилжүүлсэн байна.