Цахим сүлжээнд Гэмтэл согог судлалын үндэсний төвд галзуугийн эсрэг вакцины нөөц дууссан, вакцин хийгдэхгүй байгаа талаар мэдээлэл гарсан. Мэдээллийн дагуу галзуугийн эсрэг вакцины нөөцийн талаар ГССҮТ-ийн хэвлэл мэдээллийн төвийн мэргэжилтэнтэй холбогдож, тодрууллаа.

      Тэрбээр “ГССҮТ-д нохойнд хазуулсан иргэдийн шархыг боох, эмчилгээ хийж, урьдчилсан сэргийлэх үүднээс галзуугийн эсрэг вакцины эхний тунг хийдэг. Цаашлаад эмч бичиг хийж өгснөөр харьяа дүүргийн эмнэлэг дээрээ очиж үлдсэн дөрвөн тунг нь тариулдаг. Одоогийн байдлаар нийслэлийн хэмжээнд галзуугийн вакцин тасарсан, нөөцгүй болсон. Энэ оны эхний зургаан сарын байдлаар 1854 иргэнд галзуугийн эсрэг вакцин тарьсан” гэв.