Үерийн улмаас нөхцөл байдалтай холбоотойгоор Нийслэлийн Онцгой байдлын газрын дарга, хурандаа А.Дашням мэдээлэл өглөө. Тэрбээр “Улаанбаатарын нийт 18 газар үерийн усанд автагдсаны улмаас Нийслэлийн онцгой комисс болон мэргэжлийн байгууллага хамтран хоёр хоног ажилласан боловч их хэмжээний бороо орсноор үерийн түвшин огцом нэмэгдэж, бидний өчигдөр барьсан 50 метр өндөртэй даланг сэтэлснээр өнөөдөр Сүхбаатар дүүргийн баруун хэсэг усанд автсан байна. Тэгэхээр иргэдийн аюулгүй байдлыг хангаж, завиар гаргах, цаашлаад усыг өөр тийш чиглүүлж гаргах талаар арга хэмжээг хэрэгжүүлэн ажиллаж байна. Хамгийн гол нь замын хөдөлгөөний түгжрэл нэлээд байна. Тиймээс иргэд аль болох замын хөдөлгөөнд оролцохгүй байхыг анхаарч бидний хийж байгаа ажлыг хүндэтгэхийг уриалж байна” гэв.