Улаанбаатар хотод их хэмжээний бороо орж, автозам усанд автаад буй. Энэ талаар Нийслэлийн  Засаг дарга бөгөөд Улаанбаатар хотын захирагч Д.Сумъяабазар өөрийн цахим хуудастаа сэтгэгдлээ хуваалцжээ.

    Тэрбээр “Хотод их хэмжээний бороо орох тоолонд авто зам усанд автдаг дүр зураг бол өнгөрсөн хугацаанд сэтгэлгүй, хариуцлагагүй хандаж ирсний үр дүн. Хотын даргын ажлыг авснаас хойш бороо орсны дараа ус их тогтдог 25 байршил байна гэсэн судалгааг мэргэжлийн байгууллага гаргаж өгсөн. 2020 оноос 17 байршилд ус зайлуулах шугам хоолой шинээр суурилууллаа. Мөн шинэ зам тавихдаа заавал ус зайлуулах шугамтай хийж байгаа. Асуудлыг үе шаттай шийдэхээр ажиллаж байна” гэлээ.