Буйр нуурын Хэлтэг загас энэ сарын 4-12-нд олноороо хорогдсон. Загас олноороо хорогдсон шалгааныг тогтоохоор БОАЖГ, УЦУОШГ, Мэнэнгийн сав газрын захиргааны мэргэжилтнүүдээс бүрдсэн багийнхан ажиллаж байна. Энэ талаар БОАЖГ-ын дарга А.Гантулгаас тодрууллаа.

     Тэрбээр “Буйр нуурын баруун урд хэсэгт буюу нам газар Хэлтэг загас олноороо хорогдсон. Жил бүр байгалын шалгарлаар хорогддог ч тодорхой тоон мэдээлэл байдаггүй. Энэ жил Хэлтэг загас яагаад олноороо хорогдсон болохыг эрдэмтэн, судлаачид урьдчилсан дүгнэлтээр тогтоосон. Тухайлбал, Хэлтэг загас нуурын эрэгт биеийнхээ талыг гаргаж түрсээ шахдаг онцлогтой. Тухайн үед салхины хүч нэмэгдэж, хорогдсон байж болзошгүй. Мөн хорогдлын гол шалтгаан нь өвчлөл байж болзошгүй. Тухайлбал, загасны амаар идээт үрэвсэл гарсан, заламгайн ард улайлт, цэврүү үүссэн, биеийнх нь гадаргуудаар улайлт үүссэн байсан. Манай оронд өмнө нь ийм нөхцөл байдал үүсэж байгаагүй ч ямар нэгэн вирусийн гаралтай өвчин байх магадлалтай гэж үзсэн. Судалгааны багийнхан өдөр бүр хөрс, уснаас дээж авч байгаа. Сүүлийн өдрүүдэд нэг ч загас хорогдоогүй байгаа нь Хэлтэг загасны байгалийн шалгаралтай холбоотой байж болзошгүй гэж үзэж байгаа. Гэсэн хэдий ч вирусийн гаралтай авчин мөн эсэхийг тогтоохоор БНХАУ-руу нарийвчилсан шинжилгээний багаж захиалсан. Олон нийтийн сүлжээгээр БНХАУ-ын загасны үйлдэврээс халдвар тархаж, загас олноороо үхсэн хэмээн ярьж байгаа. Хэрвээ тус загасны үйлдвэрээс халдвар тархсан бол Хэлтэг загас төдийгүй мал, амьтан бүгд хорогдоно. Тэгэхээр тус загасны үйлдвэртэй хамааралгүй. Мөн Хэлтэг загас Буйр нуурын зүүн өмнөд, өмнөд хэсэгт хорогдоогүй учир амрагчид ирж болно. Бид шинжилгээний хариу гарч дуустал уснаас уухгүй байхыг иргэдэд анхааруулж байгаа” гэсэн юм.