• Өнөөдөр 2025-04-25

Оросын Аюулгүй байдлын алба Пригожиний тушаалыг дагахгүй байхыг “Вагнер”-ын цэргүүдэд уриалжээ

2023-06-24,   556

     ОХУ-ын Аюулгүй байдлын албаны Олон нийттэй харилцах төвөөс мэдэгдэл гаргаж, Евгений Пригожиний мэдэгдлийг гэмт хэрэг, урвалт гэж тодорхойлоод түүнийг баривчлах арга хэмжээ авахыг “Вагнер” цэргийн хувийн компанийн /ЦХК/ хөлсний цэргүүдэд уриалжээ.
 
   “Залруулж болохгүй алдаа гаргахгүй байж, Оросын ард түмний эсрэг аливаа хүчирхийлэл үйлдэхээ зогсоож, Пригожиний эрүүгийн шинжтэй, урвасан тушаалуудыг биелүүлэхгүй байхыг, түүнийг баривчлах арга хэмжээ авахыг ЦХК-ийн дайчдад уриалж байна” гэж мэдэгдэлд дурдсан байна. Түүнчлэн Пригожиний мэдэгдэл нь “үнэн хэрэгтээ ОХУ-ын нутаг дэвсгэрт иргэний зэвсэгт мөргөлдөөн эхлүүлэх, Оросын цэргүүдийн ар нуруу руу “хутгалах” уриалга” юм гэж цохон тэмдэглэжээ. 
 
     ОХУ-ын Зэвсэгт хүчин цэргийн тусгай ажиллагааны бүсэд байлдааны даалгавраа үргэлжлүүлэн биелүүлж байна гэж Аюулгүй байдлын алба онцлон тэмдэглэсэн байна. Зургаадугаар сарын 23-ны баасан гаргийн орой “Вагнер” цэргийн хувийн компанийг үүсгэн байгуулагч Евгений Пригожин Оросын Батлан хамгаалахын сайд Сергей Шойгугийн биечлэн өгсөн тушаалаар “Вагнер”-ын хуарангууд руу пуужингаар цохилт өгсөн гэж мэдэгджээ. Харин Оросын Батлан хамгаалах яам түүний энэ мэдэгдлийг үгүйсгэсэн байна. Ингэж мэдэгдсэнийхээ дараа Пригожин “Вагнер”-ын дайчид Украины нутгаас Оросын хилийг давж, Москвагийн цэргийн эсрэг "эцсээ хүртэл" явахад бэлэн байна гэж мэдэгдээд хувийнх нь зэвсэгт хүчнийг эсэргүүцэх биш, харин нэгдэхийг оросуудад уриалсан байна. Оросын эрх баригчид түүнд зэвсэгт бослогод уриалсан хэргээр эрүүгийн хэрэг үүсгэжээ.
 

Оросын Аюулгүй байдлын алба Пригожиний тушаалыг дагахгүй байхыг “Вагнер”-ын цэргүүдэд уриалжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.