Хан-Уул дүүргийн долдугаар хорооны нутаг дэвсгэрт “Таксинд суугаад өлгийтэй хүүхдээ үлдээгээд явсан” гэх дуудлага, мэдээлэл энэ сарын 17-нд бүртгэгджээ. 

      Дуудлагын дагуу мөрдөн шалгах ажиллагаа явуулж, хүүхдийг Эх хүүхдийн эрүүл мэндийн үндэсний төвийн эмчийн үзлэгт хамруулан, Түр хамгаалах байранд байршуулан, Хүүхэд хамгааллын тухай хуульд заасан нэн шаардлагатай тусламжийг цаг алдалгүй үзүүлж ажилласан. Нярай хүүхдийн эх 25 настай эмэгтэй төрсний дараах сэтгэл гутрал, сэтгэл зүйн гүн хямралын улмаас худал дуудлага, мэдээлэл өгсөн болохыг илрүүлэн мөрдөн шалгах ажиллагааг үргэлжлүүлэн явуулж байна. Иймд эцэг эх, асран хамгаалагч нар хүүхдэд тавих хараа хяналтаа сайжруулах, ирээдүйд гэр бүл зохиох өсвөр насны хүүхэдтэйгээ найз, нөхөд шиг ярилцаж, амьдралын дүрмийг тайлбарлан өгөх, гэр бүл зохиох, үр хүүхэдтэй болох нь хүний амьдралын чухал, том шийдвэр, нэг алдсан алдаа насан туршид хамтдаа үргэлжлэх магадлалтай байдаг тул таны өсвөр насны хүүхэд, насанд хүрсэн ч гэсэн хараахан амьдрал зохиож амжаагүй хүүхэд тань хэнтэй үерхэж, нөхөрлөж байна, ирээдүйд амьдрал зохиоход бэлэн байна уу гэдэгт ямагт анхаарлаа хандуулж, ирээдүй нь Монгол гэр бүлийн амьдралын зөв эхлэхэд нь туслахыг Цагдаагийн байгууллагаас зөвлөж байна. 

    Монгол Улсад Хүүхдийн эрхийн талаар дараах эрх зүйн зохицуулалт үйлчилж байна. Монгол Улсын Үндсэн хуулийн 16 дугаар зүйлийн 11 дэх хэсэгт “улс төр, эдийн засаг, нийгэм соёлын амьдрал, гэр бүлийн харилцаанд эрэгтэй, эмэгтэй тэгш эрхтэй. Гэрлэлт нь хуулиар тогтоосон насанд хүрсэн эрэгтэй, эмэгтэй хоёрын тэгш эрх, сайн дурын харилцаанд үндэслэнэ.