Яруу найрагч Ц.Хуланд яллах дүгнэлт үйлдэж, шүүхэд шилжүүлжээ

2023-03-22, 1156

Нийслэлийн прокурорын газраас яруу найрагч Ц.Хуланд холбогдох хэрэгт яллах дүгнэлт үйлдэн шүүхэд шилжүүлжээ. Тодруулбал, Тагнуулын ерөнхий газраас мөрдөн шалгах ажиллагаа явуулсан Ц.Хулан нь гадаад улсын тагнуулын албатай хамтран ажиллахаар тохиролцсон, хамтран ажилласан гэх хэрэгт Эрүүгийн хуулийн 19.4 дүгээр зүйлийн 1 дэх хэсэгт зааснаар яллах дүгнэлт үйлдэн Сүхбаатар дүүргийн Эрүүгийн хэргийн анхан шатны шүүхэд шилжүүлсэн гэдэг мэдээллийг албаныхан өглөө.

Эрүүгийн хэргийн 19.4 дүгээр зүйл.Гадаадын тагнуулын алба, байгууллага, иргэнтэй хууль бусаар хамтран ажиллах заалтад "Монгол Улсын иргэн гадаад улсын тагнуулын албатай хамтран ажиллахаар тохиролцсон, хамтран ажилласан, гадаадын байгууллага, иргэнд шилжүүлэн өгөх зорилгоор төрийн нууцад хамаарах мэдээ, баримт, эд зүйлийг хулгайлсан, цуглуулсан, хадгалсан, дамжуулсан бол найман жилээс 15 жил хүртэл хугацаагаар хорих ял шийтгэнэ. Энэ гэмт хэргийг төрийн өндөр албан тушаалтан, төрийн нууцыг итгэмжлэгдэн хариуцсан, албан тушаал, ажил үүргийн хувьд мэдсэн этгээд үйлдсэн бол 12 жилээс 20 жил хүртэл хугацаагаар, эсхүл бүх насаар хорих ял шийтгэнэ.

Тайлбар нь гадаад улсын тагнуулын албатай хамтран ажиллахаар тохиролцсон боловч төрийн зохих байгууллагад сайн дураараа даруй мэдэгдсэн, учирч болзошгүй хохирлоос урьдчилан сэргийлэхэд туслалцаа үзүүлсэн иргэний үйлдэл нь өөр гэмт хэргийн шинжгүй бол ялаас чөлөөлнө" гэж заажээ.

Яруу найрагч Ц.Хуланд яллах дүгнэлт үйлдэж, шүүхэд шилжүүлжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2023-03-22 13:24:27

Намжилмаа: Тийм эх оронч сэтгэлтэй тэр хэмжээгээр эх орноо гэсэн шүлэг найраг бичдэг хүн яаж гадаадын тагнуултай хамтарсан байхав дээ хэлмэгдүүлж байх вий дээ харамсалтай бна
Сэтгэгдэл үлдээсэн: 2023-03-22 13:21:54

Намжилмаа: Нотлох баримт материалаа ард түмэнд дэлгээчээ итгэхгүй бна
Сэтгэгдэл үлдээсэн: 2023-03-22 13:04:31

Иргэн: Үнэн бол эмэгтэй хүн байна даа арай л юм аа, Гэмгүй хүнийг хэлмэгдүүлчихвий дээ

Шинэ мэдээ

Нийтлэлчид