Цахим  сүлжээгээр  "Годон гутал лизингээр зарна" хэмээн зар оруулж, 31 удаагийн үйлдлээр иргэдээс 28 сая төгрөг залилсан иргэнийг илрүүлжээ. Тодруулбал, 33 настай Э гэх эмэгтэй “Алтанчимэг Энхчимэг” хэмээх хуурамч хаяг ашиглан орон нутгийн фэйсбүүк бүлгэмүүдэд зар оруулдаг байсан нь тогтоогдсон байна.

     Дээрх этгээд нь гутал худалдан авах гэсэн иргэдийн урьдчилгаа төлбөрийг хууль бус тоглоомын газрын дансанд шилжүүлэн тоглож, иргэдийг хохироожээ. Тиймээс тухайн эмэгтэйд цагдан хорих таслан сэргийлэх арга хэмжээ авч, Увс аймгийн цагдаагийн газрын алба хаагчид мөрдөн шалгах ажиллагааг үргэлжлүүлж байна.