Гудамж талбайгаар жижиг, том олон гацуур өдөр ирэх бүр нэмэгдэж, орой дээрх шар чимэглэлүүд гялтганан гэрэлтэх ажээ. Шинэ он солигдоход ердөө арав гаруй хоног үлджээ.  Бид танд шинэ жилийн дулаан уур амьсгал оруулах, амралтын өдрөөрөө гэртээ тухлан үзэх киног санал болгож байна.

-ХҮСЛИЙН ЖАГСААЛТ-

    Дараагийн өвлийн өвгөн болохоор сонгогдсон Төгсөөгийн адал явдал, Цасан охин Зулсар, одой Одсар, нярав Цасхан, хөсөгчин Шуурга нарын хамт хэрхэн үргэлжлэхийг хүлээн авч үзээрэй.                                                            

-A CHRISTMAS STORY-                  

 Ралфи хүү зул сарын баяраар санаанд оромгүй бэлэг авахыг хүснэ. Хүүгийн хүсэл биелэх болов уу? Хөгжилтэй, хайр татам хүүгийн зул сарын түүхээр хамтдаа аялаарай.

-БЯЦХАН ЧӨТГӨРИЙН ХҮСЭЛ-

  Уянга гэх эмэгтэйн 13 насанд өвлийн өвгөнөөс хүссэн найман хүслийг заавал биелүүлэх даалгавартай өвлийн өвгөний туслах бяцхан чөтгөр иржээ. Тэр бага насных нь найман хүслийг биелүүдэх бөгөөд найм дахь хүсэл болох жинхэнэ хайрыг нь олоход туслана.

-THE NIGHTMARE BEFORE CHRISTMAS-

Гайхалтай дүрслэл, мюзиклээр дүүрэн энэ хүүхэлдэйн киног заавал үзэхийг санал болгож байна.

-SURVIVING CHRISTMAS-

  Уг кинонд зул сарын баяраар хамт тэмдэглэх хүнгүй ганцаардсан саятан залуу “Drew”-ийн талаар гарна. Тэр нэгэн танихгүй гэр бүлд 250 мянган ам доллар төлөн тэдний гэр бүлийн нэг гишүүн болж зул сарын баярыг өнгөрүүлнэ.

-34 ДҮГЭЭР ГУДАМЖНЫ ГАЙХАМШИГТ ТҮҮХ-

    1947 онд дэлгэцнээ гарч байсан энэхүү кино нь Санта Клаусын талаарх гайхалтай бүтээлүүдийн нэг юм. "34 дүгээр гудамжны гайхамшигт түүх" киног Жорж Сийтон найруулсан бөгөөд Валентин Дэвисын адил нэрт зохиолоос сэдэвлэн бүтээсэн байна. Кинонд жүжигчин Морин О'Хара, Жон Пейн, Натали Вуд болон Эдмунд Гвен нар тоглосон юм. "34 дүгээр гудамжны гайхамшигт түүх" кинонд зул сарын баяр болон жинхэнэ Санта Клаус байдаг гэдэгт итгэдэггүй охины талаар өгүүлдэг.