Diamond Forex LLC, Ахандүүс Продакшн болон Армата Продакшны залуус нэгдэж “Залуус нийгмээ хайрлая” аяныг зохион байгууллаа. Тус аяны хүрээнд Нийслэлийн хот тохижолтын газрын зам талбайн үйлчилгээний ажилтан Ж.Ариунаа болон түүний гэр бүлд хүнсний бүтээгдэхүүн, хүүхдийн төрсөн өдрийн бялуу зэргийг биечлэн гардуулж өгөв. Энэ үеэр Ж.Ариунаагийн нөхөр Э.Ганбаатар “Эрүүл мэндийн тун хүнд давааг давж, долоон сайхан үрсийн минь буян заяа түшлээ, сайхан амьдарна аа. Хань ижилдээ талархаж сууна” гэв. Харин энэхүү ажлыг санаачилсан залуус  “Залуус нийгмээ хайрлая” аян нүдээ олсон буянтай ажлын эхлэл боллоо. Бид энэ айлын ажил амьдралд туслан дэмжиж олон олон ажлыг хийж өгөх болно” гэдгээ илэрхийлэв.