Улаанбаатар хотод байрлах аж ахуй нэгжүүдийн халаалт аравдугаар сарын 1-нд ирэх ёстой. Гэтэл зарим байгууллагуудын халаалт ирээгүй байгаа талаар мэдээлэл байгаа билээ. Тэгвэл энэ асуудлаар Орон сууц, нийтийн аж ахуйн удирдах газрын инженерийн бодлого төлөвлөлтийн хэлтсийн дарга Б.Пүрэвжамцаас тодрууллаа.

        Тэрбээр “Манай байгууллага дээр бүртгэлтэй, хариуцан ажилладаг 9777 аж ахуй нэгжээс 177 байгууллага дулаанд залгагдаагүй. Халаалтад залгагдаагүй учир нь гадна шугамын гэмтэл болон өр төлбөрийн асуудалтай байгаа. Үүнээс гадна зарим байгууллага засвар үйлчилгээнээс шалтгаалж дулаанаа авахаа түр хойшлуулах өргөдөл гаргасан байгаа.  Манай байгууллагаас шалтгаалсан асуудал байхгүй. Дулаан нь ирэхгүй байгаа аж ахуй нэгжүүд гэрээтэй газруудтайгаа холбогдож асууж лавлах хэрэгтэй” гэв.