УИХ-ын намрын чуулганы нээлт өнөөдөр хийгдлээ. Үүний дараа УИХ дахь Ардчилсан намын бүлгийн хурлын талаар мэдээлэл хийлээ. Энэ үеэр О.Цогтгэрэл бүлгийн хурлаар хэлэлцсэн асуудлуудыг танилцууллаа.

     Тэрбээр “Арваннэгдүгээр сарын 15 хүртэл төсөв хэлэлцдэг. Монгол Улсын эдийн засаг ямар байгаа болон 2023 оны эдийн засаг ямар байх талаар ярьж болно. Монгол Улсын сүүлийн жилүүдийн төсвийг харахад дундаж давхарга байхгүй болох нь. Ядуурал асар ихээр нэмэгдэх нь. Одоогоор 29 хувь гэдэг ч хэдэн жилийн өмнө гарсан юм .Өдрийн хоёр ам.долларын орлоготой хүнийг ядуу биш гэж тооцож байгаа. Сарын 200 мянган төгрөгийн цалинтай бол ядуу биш гэж үнэлж байна. Халамжийн бодлого ихэдсэнээр Монгол Улс өрөнд орсон байна. Монгол Улсын өр дотоодын бүтээгдэхүүний 100 хувьд хүрчихсэн.Ирэх жил 10 их наядын өр нэмж тавихаар ирэх жилийн төсвийн төсөөлөл дээр гарсан байна. Бизнесүүдэд мөнгө очихгүй улам унах нь” гэв.