УИХ-ын намрын ээлжит чуулганы нээлт өнөөдөр болж байна.  Чуулганы нээлтийн үеэр  ЗГХЭГ-ын дарга Д.Амарбаясгалан мэдээлэл өглөө.

      Тэрбээр “Засгийн газраас тодорхой хугацаанд буюу арванхоёрдугаар сарын 31-ны өдрийг хүртэл импортын цементийн татварыг тэглэх шийдвэрийг гаргалаа. Хэрэв цемент үйлдвэрлэгчид дотоодынхоо цементийн хэрэгцээг хангаж чадахгүй, үнийг тогтвортой барьж чадахгүй байвал энэ хугацааг цаашдаа сунгаж магадгүй. Үйлдвэрүүд тогтвортой үнийн бодлого баримтлан ажиллаж чадаагүйн улмаас барилга бүтээн байгуулалтын үнэ өсдөг. Үүнээс маш  олон барилгын бизнес эрхэлж буй албан байгууллагууд хохирч байна. 2023 онд хохирол амссан 600 гаруй  аж ахуй нэгжийн хохирлыг арилгах төслийг улсын төсөвт өргөн барих бодолтой байгаа.” гэлээ.

   Мөн Ардчилсан намын зарим гишүүд Засгийн газрын бүрэлдэхүүнд орж ажиллах талаар тодруудахад "Монгол улсын Засгийн газар болон МАН Ардчилсан намтай хамтран ажиллах талаар нэг ч удаа албан ёсоор хүсэлт тавиагүй. МАН 62 суудалтай эрх барьж байгаа. Тиймээс үүрэг хариуцлагаа дангаараа үүрнэ " гэв.