УИХ-ын намрын чуулганы нээлт болж байна. Энэ УИХ-ын дарга Г.Занданшатар “УИХ-ын намрын чуулганд Монгол Улсын Ерөнхийлөгч У.Хүрэлсүх, Монгол Улсын Ерөнхий сайд Л.Оюун-Эрдэнэ, Засгийн газрын гишүүд, Үндсэн хуулийн дарга, Улсын дээд шүүхийн Ерөнхий шүүгч, Улсын Ерөнхий прокурор, Ерөнхийлөгчийн Тамгын газрын дарга зэрэг төрийн өндөр албан тушаалтнууд, нийслэлийн удирдлагууд, Монгол Улсад суугаа дипломат төлөөлөгчдийн газар болон суурин төлөөлөгчдийн тэргүүн нар оролцож байна. Бид Чингис хааныхаа иш хөргийг билэг сургаалтай нь хамт хоймортоо заллаа. Алд бие минь алжааваас алжаатугай, ахуй төр минь бүү алдартугай бүтэн бие минь зовбоос зовтугай бүрэн улс минь бүү сандартугай хэмээсэн эзэн Чингис хааныхаа захиасыг өдөр бүр санаж, дагаж мөрдөхийг уриалж байна. Цар тахал, геополитикийн хурцадмал нөхцөл байдлаас үүдэлтэй дэлхий нийтийг хамарсан үнийн өсөлтийн үед намрын чуулган эхэлж байна. Валютын хомсдол, тээвэр ложистикийн байдал, гадаад өрийн дарамт, эдийн засаг иргэдийн амжиргаанд хүнд дарамт өгч байна. 2020 оны сонгуулийн үр дүнд байгуулагдсан найм дахь удаагийн парламент бүрэн эрхт хугацааныхаа талыг тууллаа. Улс орны эдийн засаг, өнөөгийн байдал тулгамдсан асуудлуудыг туулахын зэрэгцээ эдийн засгийн өөрчлөлтийг хэрэгжүүлж, шинэ сэргэлтийн бодлого, ард түмэндээ амласан мөрийн хөтөлбөрөө биелүүлэхэд энэ удаагийн чуулган төвлөрч ажиллах шаардлагатай байна” гэлээ.