Тээврийн цагдаагийн албаны жижүүрийн шуурхай удирдлагын хэлтэст 2022 оны аравдугаар сарын 2-3-ны өдрүүдэд нийт 706 дуудлага мэдээлэл хүлээн авснаас зам тээврийн ослын шинжтэй 530 дуудлага мэдээллийг хүлээн авч шийдвэрлэж ажилласан.

         Бүртгэгдсэн зам тээврийн ослын улмаас 16 хүн гэмтэж бэртсэний 10 нийслэлд, зургаа нь орон нутагт  бүртгэгдсэн бол ноцтой зам тээврийн ослын улмаас нийслэлд нэг, орон нутагт хоёр хүний амь хохирсон байна.  

Хүн гэмтсэн ослыг хэлбэрээр нь авч үзвэл:

Нийслэлд: 

• Явган зорчигч мөргөх хэлбэрээр зургаан осол бүртгэгдэж,  зургаан хүн гэмтсэн.
• Мөргөлдөх хэлбэрээр хоёр осол бүртгэгдэж, хоёр хүн гэмтэж, нэг хүний амь хохирсон.
• Үл хөдлөх зүйл мөргөх хэлбэрээр нэг осол бүртгэгдэж, хоёр хүн гэмтсэн 

Орон нутагт:

• Онхолдох хэлбэрээр гурван осол бүртгэгдэж, дөрвөн хүн гэмтэж, нэг хүний амь хохирсон.
• Үл хөдлөх зүйл мөргөх хэлбэрээр нэг осол бүртгэгдэж, нэг хүн гэмтсэн. 
• Явган зорчигч мөргөх хэлбэрээр нэг осол бүртгэгдэж,  нэг хүн гэмтсэн.
• Бусад хэлбэрээр нэг осол бүтгэгдэж, нэг хүний амь хохирсон. 
• Амралтын өдрүүдэд хүүхэд өртсөн долоон осол бүртгэгдэж, долоон хүүхэд гэмтсэний таван явган зорчигч хэлбэрээр хөдөлгөөнд оролцсон байна. 

          Эцэг эхчүүд та бүхэн хүүхдэдээ тавих хараа хяналтыг сайжруулах 10 хүртэлх насны хүүхдийг бие даан хөдөлгөөнд оролцуулахгүй байхыг анхааруулж байна. 

       Хүүхдийг тээврийн хэрэгсэлд авч явахдаа аюулгүй байдлыг ханган, хүүхдийг урд суудалд өвөр дээрээ авч суухгүй байх, арын суудалд зориулалтын суудалд тээвэрлэх, хүүхдийн өндөр 140 см-ээс дээш бол суудлын бүсийг зүүлгэн хүүхдийн аюулгүй байдлыг хангахыг цагдаагийн байгууллагаас та бүхэнд зөвлөж байна. Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 215 зөрчил бүртгэгдсэний нийслэлд 153, орон нутагт 62 зөрчил тус тус илрүүлж, учирч болох эрсдэлээс урьдчилан сэргийлэн ажилласан.  Зам тээврийн ослын хор уршиг нь цагдаагийн байгууллагад бус иргэн таны амь нас, эрүүл мэнд, эд хөрөнгөнд учирдаг тул  өөрийн болон бусдын аюулгүй байдлын үүднээс замын хөдөлгөөнд оролцсон бол архи согтууруулах ундааны зүйл хэрэглэхгүй байх, орон нутгийн замд хөдөлгөөнд оролцохдоо хурдаа тохируулах, аюулгүй байдлаа хангаж гүйцэт түрүүлэх үйлдэл хийх, тээврийн хэрэгслийн дугуйг улирлын чанартай дугуйгаар солих, явган зорчигч хэлбэрээр хөдөлгөөнд  оролцох үедээ явган хүний гэрэл дохио, гарцаар гарахыг цагдаагийн байгууллагаас анхааруулж байна.