• Өнөөдөр 2022-11-28

БОАЖ-ын сайд Европын сэргээн босголт, Хөгжлийн банкны захирлуудын зөвлөлийн гишүүдийг хүлээн авч уулзлаа

         Европын сэргээн босголт, хөгжлийн банк (ЕСБХБ)-ны Швед, Исланд, Эстони Улсыг хариуцсан захирал хатагтай Эва Кассел Байгаль орчин, аялал жуулчлалын сайдыг цаг зав гарган хүлээн авч уулзаж байгаад баяртай байгаагаа илэрхийлээд, энэхүү уулзалтад Европын сэргээн босголт, хөгжлийн банкны дэлхийн 31 улсыг хариуцсан захирлуудын зөвлөлийн есөн гишүүн байгааг уулзалтын эхэнд танилцуулав.  

           Тэрбээр, Европын сэргээн босголт, хөгжлийн банкнаас хариуцсан улсуудад зөвлөлдөх уулзалтыг жилд нэг удаа зохион байгуулдаг ба Монгол Улсад байх хугацаанд Засгийн газар, төрийн болон төрийн бус байгууллага, мөн олон улсын байгууллагын төлөөлөлтэй зөвлөлдөх уулзалт хийсэн гээд, ЕСБХБ-ны Удирдлах зөвлөлөөс Монгол Улсад хэрэгжүүлэх таван жилийн стратеги төлөвлөгөөг энэ намрын сүүлээр батлахаар төлөвлөж байгаа гэж ярьсан юм.

     Талууд уулзалтаар Монгол улс ногоон эдийн засагт шилжихэд баримталж буй бодлого, Монгол улсын аялал жуулчлалын салбарын хөгжил, тулгамдаж буй асуудал болон төлөвлөгөө, Монгол улсын тогтвортой хөгжлийн арга зам, Алсын хараа 2050 зэрэг сэдвээр санал солилцож, дээрх асуудлуудад тус банкны зүгээс үзүүлэх дэмжлэг боломжийн талаар ярилцлаа.

Байгаль орчин, аялал жуулчлалын сайд Б.Бат-Эрдэнэ "Монгол Улсын Засгийн газрын “Шинэ сэргэлтийн бодлого” болон “Алсын хараа – 2050” урт хугацааны хөгжлийн бодлогын хүрээнд эдийн засгаа төрөлжүүлэх, бүс нутгийн хөгжил, ногоон хөгжлийг дэмжих, бэрхшээлийг даван туулах чадварыг нэмэгдүүлэхэд чиглэсэн цогц арга хэмжээг хэрэгжүүлж байна" гэв.  ЕСБХБ-наас Монгол Улсад хэрэгжүүлж буй төсөл, хөтөлбөр, цаашдын хамтын ажиллагаа, ногоон эдийн засгийн тогтвортой хөгжлийг хангах зорилтуудын талаар ярилцаж, хамтран ажиллах чиглэлээр  санал солилцов.


 


БОАЖ-ын сайд Европын сэргээн босголт, Хөгжлийн банкны захирлуудын зөвлөлийн гишүүдийг хүлээн авч уулзлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188