НӨАТ-ын судалгааг дахин сэргээж байгаатай холбогдуулан Сангийн яамнаас контент бичлэг нийтэлсэн. Гэвч тус бичлэгийг иргэд “Хүний эрхийн мэдрэмжгүй, иргэдийг ялгаварлан гадуурхсан сурталчилгаа байна” хэмээн шүүмжлээд байгаа. Энэ талаар Сангийн яамны хэвлэл мэдээллийн ажилтан Б.Пүрэвдоржоос тодрууллаа. Тэрбээр “Сангийн яамнаас хяналтгүй видео бичлэг олон нийтэд түгээсэн нь үнэн. Манай нэрийг хэн нэгэн ашиглаж хуурамч бичлэг олон нийтэд хүргээгүй. Манай яамныхан тус бичлэгийг хянаагүй гаргасан учир  алдаа гарсан байна лээ. Тиймээс бичлэгийг нягталж байгаад дахин гаргах эсэхээ шийднэ. Мөн НӨАТ-ын сугалааны талаарх бичлэг байсан учир манайхан Татварын Ерөнхий газрынхантай хамтарсан. Тиймээс Татварын Ерөнхий газрынхнаас дахин тодруулах хэрэгтэй” гэсэн юм.