Багануур дүүргийн гуравдугаар хороо, Нугын тал гэх газар хочр автомашин мөргөлдөж, автомашины төмөр хийцэд иргэд хавчуулагдсан гэсэн дуудлагыг ОБЕГ-д 13:20 цагт иржээ.

      Тус дүүргийн Гал түймэр унтраах, аврах 64 дүгээр ангийн алба хаагчид очиход Багануур дүүргийн харьяат Г-ийн жолоодож явсан “Соната-6” маркын нэг зорчигчтой суудлын автомашин Багануур дүүргээс Хэнтий аймгийн Цэнхэрмандал сумын чиглэлд зорчиж явсан “Тоёота Пилдэр” загварын  таван зорчигчтой суудлын автомашинтай мөргөлдөжээ.

    Тус автомашинд зорчиж явсан С 55 настай эрэгтэй , иргэн Б 52 настай эмэгтэй, П 28 настай эрэгтэй, Т 26 настай эмэгтэй, С таван сартай эмэгтэй , Г гурван настай эрэгтэй нар зорчиж байжээ. Харин “Соната 6” загварын суудлын автомашины жолооч Г 33 настай, эрэгтэй автомашины төмөр хийцэд хавчуулагдсан байсныг эсэн мэнд гаргаж, тус дүүргийн Эрүүл Мэндийн Төвийн ЯТТТ-ийн эмч болон, Цагдаагийн хэлтсийн мөрдөгч нарт хүлээлгэн өгсөн байна.