Замын хажуу руу машинаа зогсоочихоод яахаа ч мэдэхгүй хэдэн тийш холхисон, “орох орон, оочих аягагүй” болсон орос эрчүүдээр Алтанбулагийн боомт дүүрч байна. “Оросоос л явж байвал” гэсэн залуус ганц машиндаа ч багтахгүй болтлоо чихээд, нэгнээ хаяхгүй гэхдээ хонины хонхортоо ч болтугай хэвтүүлээд Монголын хилээр орж ирж байгаа гэнэ.Энэ долоо хоногт ОХУ-д хэсэгчилсэн цэргийн дайчилгаа зарласан тул тус улсаас манай улсад орж ирэх иргэдийн тоо эрс нэмэгдэж, "Алтан булаг" боомтын ачаалал нэмэгдсэн гэх мэдээлэл байгаатай холбоотойгоор УИХ-ын дарга Г.Занданшатар өнөөдөр Дархан, Сэлэнгэ аймагт ажиллаж тариалангийн бүс нутгийн нөхцөл байдалтай танилцаж байна. Тэрбээр одоо “Алтан булаг” боомтын үйл ажиллагаатай танилцахаар болоод байна.