Төв аймгийн Эрдэнэ сумын Майхан багийн Хүрэн морьтын зоо гэх газар 14 хүн самар түүж явснаас нэг  сураггүй болжээ. Дуудлагын дагуу тус аймгийн Онцгой байдлын газрын Эрэн хайх, аврах анги, Цагдаагийн газрын алба хаагчид, ар гэрийнхэн нийслэлийн Баянзүрх дүүргийн харьяат иргэн Б 32 настай эмэгтэйг  эрэн хайж байгаа аж. Эрлийн ажиллагааг өчигдөр 15:00-19:20 цаг хүртэл зохион байгуулсан. Харин өнөөдөр 06:00 цагаас эрлийн ажиллагааг дахин эхлүүлжээ.