ОХУ-ын Улаан-Үүд хотод  1000 малчны чуулга уулзалт зохион байгуулахаар болжээ. Тодруулбал, энэ сарын 28-аас аравдугаар сарын 2-н хүртэл 1000 малчны чуулга уулзалт болох аж. Ямар шалтгааны улмаас 1000 малчныг ОХУ-ын сургалтад хамруулах болсон шалтгааныг Монголын хөдөөг хөгжүүлэх малчин нийгэмлэгийн үүсгэн байгуулагч, тэргүүн Ж.Пүрэвсүрэнгээс тодрууллаа. Тэрбээр “Одоогийн байдлаар 90 орчим малчин бүртгүүлсэн байна. Малчид гадаад паспортгүй учир бүртгүүлэхгүй байгаа юм билээ. Бид энэ жил ОХУ-аас уулзалтаа эхлүүлэх төлөвлөгөөтэй байгаа. Цаашид үргэлжлүүлэн Франц, Польш, Өвөрмонголын өөртөө засах орнууд болон БНХАУ-ын мал аж ахуйтай нутгаар үргэлжлүүлж хийнэ. Малчид таван өдрийн арга хэмжээнд оролцох учир зочид буудал, унааны зардал гэж 599 мянган төгрөг төлөх ёстой юм” гэлээ.