Хулан агнаж, түүхий эдийг нь худалдан борлуулах зорилготой хууль бус үйлдлийг илрүүлжээ.

   Тодруулбал, Дорноговь аймгийн Сайхандулаан сумын нэгдүгээр багийн нутаг дэвсгэр Хоёр мод гэх газраас энэ оны 1-нд тус аймагт оршин суух хаягтай иргэн Э нь Монгол Улсын Засгийн газрын 2012 оны 07 дугаар тогтоолоор баталсан Ховор амьтны жагсаалтад багтсан нэг тооны хуланг агнаж, түүхий эдийг нь худалдан борлуулах зорилготой хадгалсан хууль бус үйлдлийг илрүүлсэн байна. Тус үйлдлийг Дорноговь аймгийн аймаг дахь цагдаагийн газрын алба хаагчид илрүүлэн мөрдөн шалгах ажиллагаа явуулж байна.

Иргэн та хууль бусаар ан агнахгүй, тэдгээрийн гаралтай түүхий эдийн зүйлийг хадгалахгүй, худалдахгүй, худалдан авахгүй, тээвэрлэхгүй байхыг анхааруулж байна.