Баянзүрх дүүргийн 34 дүгээр хороонд өчигдөр 18:27 цагийн үед гэр шатжээ. Дуудлагын дагуу Онцгой байдлын хэлтсийн Гал түймэр унтраах, аврах 63 дугаар ангийн алба хаагчид есөн км зам туулж, 18:36 цагт очсон байна. Ингэхэд иргэн Г-гийн таван ханатай гэр шатаж, 77 настай хөгжлийн бэрхшээлтэй иргэн галд өртөж нас барсан байжээ. Тиймд цогцсыг тус дүүргийн Цагдаагийн гуравдугаар хэлтсийн мөрдөгчид шилжүүлэн өгсөн байна.