Хулгайлах гэмт хэрэгт шалгагдаж байгаад оргосон этгээдийг баривчлан, саатуулжээ. 

    Тодруулбал, хулгайлах гэмт хэрэгт шалгагдаж байсан Булган аймгийн харьяат эрэгтэй 23 настай Б гэгч нь Шүүхийн шийдвэр гүйцэтгэх ерөнхий газрын харьяа 439-р ангид цагдан хоригдож байжээ. Энэ хугацаандаа тэрбээр тус аймгийн нэгдсэн эмнэлэгт олгойны хагалгаанд орсны дараа буюу  есдүгээр сарын 18-ны 01:00 цагийн орчимд эмнэлгээс оргожээ.  Улмаар тус аймаг дахь цагдаагийн газар болон ШШГЕГ -ын алба хаагч эрэн сурвалжлах ажиллагааг явуулсан бөгөөд оргосон этгээдийг өнөөдөр 14:15 цагт тус аймгийн эрүүгийн ахлах мөрдөгч баривчлан саатуулсан байна.