Эмнэлэгт эмчлүүлж байсан иргэн гутлынхаа үдээсээр амиа егүүтгэжээ. Тодруулбал, Ховд аймгийн Жаргалант сумын Тахилт багт оршин суух иргэн Т нь энэ сарын 15-ны өдөр Мөст сумын Жужирт багийн нутаг Түймэрт гэх газар тарвага агнажээ. Ингэхдээ нэг тарвагыг нь өвчиж, чанаж иджээ. Энэ үеэр Т-ийн хүү С-ийн бие өвдөж, халуурсны улмаас замын унаанд дайгдан өчигдөр Жаргалант суманд иржээ. Тус сумын эрүүл мэндийн төвд хандсан боловч халуун нь дорвитой буугаагүй байна. Иймээс өнөөдөр тус аймгийн БОЭТ-ийн яаралтай тусламжийн төвд ханджээ.

  Асуумж судалгаа авч, түргэвчилсэн тестээр хоёр ч удаа шинжилгээ хийхэд тарваган тахал болох нь урьдчилсан байдлаар батлагджээ. Мэргэжлийн байгууллагууд нэгдүгээр хавьтлын хүмүүсийг олж, тогтоон тусгаарлажээ. Иргэн С харин тус аймгийн 103 хүлээн авах яаралтай тусламжийн тусгаарлах өрөөнд  гуталныхаа үдээсээр амиа егүүтгэсэн байна.