Ховд аймгийн Цэцэг суманд тарваган тахлын сэжигтэй тохиолдол бүртгэгдсэн гэх мэдээлэл бий. Энэ талаар тус сумын Засаг дарга Ж.Мөнхзоригоос тодрууллаа. Тэрбээр “Манай суманд энэ сарын 11-нд тарваган тахлын сэжигтэй тохиолдол бүртгэгдэж, 72 цагийн хөл хорио тогтоосон. Өчигдөр орой хөл хориогоо цуцалсан. Өвчтөн сумын төвийн эмнэлэгт хэвтэн, эмчлүүлж байгаа. Биеийн байдал нь хэвийн, сайжирч байгаа. 45 настай тус иргэн ахынхтайгаа айл ганцаараа амьдардаг. Тарвага агнаж, гэдсийг нь гаргаж, махыг нь хөлдөөгчинд хийчихсэн байсан. Махных нь шинжилгээний хариу гараагүй байгаа” гэв.