Өнгөрсөн наймдугаар сард хийсэн эрсдэлийн үнэлгээгээр Баянхонгор аймаг нь өвөлжилт хүндрэх өндөр эрсдэлтэй аймгуудын нэгээр нэрлэгдсэн. Тэгвэл тус аймгийн 20 суманд ган, зудын эрсдэлийн ерөнхий үнэлгээг дахин хийж, хариу арга хэмжээний төлөвлөөг нарийвчлан гаргахаар ажиллаж буй аж.  Мөн сумдын өвөлжилтийн бэлтгэл ажлын төлөвлөгөөний биелэлт, өвс тэжээлийн нөөцийн мэдээг авч холбогдох үүрэг чиглэлийг өгөөд байгаа гэнэ. Тиймээс Баянхонгор аймгийн Онцгой байдлын ерөнхий газрын Ж.Алтангэрэлтэй холбогдож тодрууллаа.

Тэрбээр, “Маргаашаас бид дөрвөн хэсэгт хуваагдан сумуудаар явж эрсдэлийн үнэлгээ хийнэ. Энэ жилийн хувьд бусад аймгууд отор нүүдэл хүлээж авахгүй гэж мэдэгдээд байгаа. Гэвч малчид өөрсдөө аль нэг аймаг руу отроор яваад өгөхийг үгүйсгэхгүй” гэв.