Засгийн газрын өнөөдрийн хуралдаанаар гаргасан шийдвэрүүдийг танилцууллаа. Энэ үеэр ЗГХЭГ-ын дарга Д.Амарбаясгалан мэдээлэл хийлээ.

Тэрбээр “НДЕГ-ын дарга Д.Зоригттой холбоотой гомдол 1111 төвд ирсэн. Уг гомдол мэдээлэл нь гэрэл зургаар нотлогдсон тул Ерөнхий сайд холбогдох албан тушаалтныг чөлөөлөх үүргийг салбарын сайдад  өгсөн.Төрийн албан хаагч мөрийтэй тоглохыг хуулиар хориглодог, энэ нь төрийн ёс зүйн дүрмийг зөрчсөн. Төрийн албан хаагч ямар мөнгөөр, ямар хүмүүстэй, хэзээ хаана мөрийтэй тоглосныг шалгах, уг мөрийтэй тоглоомд төрийн өөр албан тушаалтан оролцсон бол хариуцлага тооцох үүргийг Хууль зүй дотоод хэргийн  сайдад өгсөн” гэв.