Булган аймгийн Бүрэгхангай сумын нутагт орших Туул голын дунд хууль бусаар алт ухаж байгаа бичлэг олон нийтийн сүлжээгээр ил болсон. Энэ талаар тус сумын Засаг дарга М.Бадамаас тодрууллаа. Тэрбээр “Алтны компанийнхан ухсан газар нинжа нар гар аргаар алт угааж байгаа хэрэг гарсан. Экологийн цагдаагийн газрынхан болон МХЕГ-ынхан нинжа нарын техникийг хураан авч, орон нутгийн цагдаад хүлээлгэж өгсөн. “Алт угааж байна” гэх иргэдийн мэдээллийн дагуу  орон нутгийн цагдаа нар хяналт, шалгалт хийж, зөрчлийг илрүүлж байгаа. Тус газрыг анх ямар компани ухсаныг мэдэхгүй байна” гэлээ.