Нийгмийн даатгалын ерөнхий газрын дарга Д.Зоригтыг ажлын байрандаа мөрийтэй тоглож байна гэх иргэний гомдлын дагуу ХНХЯ-ы сайд Д.Сарангэрэл мэдээлэл хийлээ. Тэрбээр “1111” иргэдийн санал гомдол хүлээн авдаг утсанд Нийгмийн даатгалын ерөнхий газрын дарга Д.Зоригтыг ажлын байрандаа мөрийтэй тоглож байна гэсэн гомдол ирсэн. Энэ дагуу Д.Зоригт даргатай би уулзсан. Монгол Улсын Ерөнхий сайдын зүгээс ажлын байранд мөрийтэй тоглох, архи согтууруулах ундааг хориглосон байдаг. Д.Зоригт даргын хувьд ийм асуудал өмнө нь гаргаж байгаагүй. Мөн цахим орчинд Засгийн газрын шийдвэрээр ажлаас нь чөлөөлсөн гэх мэдээлэл худал" гэв.