Нийгмийн даатгалын Ерөнхий газрын дарга Д.Зоригтыг албан өрөөндөө мөрийтэй тоглоом тоглосон учир албан ажлаас нь чөлөөлсөн гэх мэдээлэл гарсан. Тодруулбал, иргэдийн санал, хүсэлт хүлээн авах 11-11 тусгай дугаарт Д.Зоригтыг өрөөндөө мөрийтэй тоглоом тоглосон гэх гомдол, мэдээлэл ирсэн аж. Энэ талаар НДЕГ-ын дарга Д.Зоригт мэдээлэл өгөхдөө “ Би энэ долоо хоногт ажилдаа очоогүй. Европын холбооноос зохион байгуулж буй хуралд сууж байгаад завгүй байлаа. Би өрөөндөө мөрийтэй тоглоом тоглоогүй. Намайг ажлаас чөлөөлөөгүй. Мөрийтэй тоглоомын талаар ямар ч мэдлэггүй. Өмнө нэг ч удаа тоглож байгаагүй, дүрмийг нь мэдэхгүй. Би мөрийтэй тоглоогүй учир өөртөө итгэлтэй байна.