Дархан-Уул аймгийн Дархан сумын наймдугаар багийн Нарантолгойн хоёдугаар гудамжинд гэр шатаж, хоёр хүүхэд нас барсан хэрэг гарчээ. Тодруулбал, 02.41 цагт аймгийн Онцгой байдлын газарт байшин шатаж байна гэх дуудлага иржээ. Дуудлагын дагуу Гал түймэр унтраах, аврах 22 дугаар ангийн алба хаагчид таван км зам туулж 02:49 цагт очиход иргэн М-ийн 8х12 метрийн хэмжээтэй байшин, таван ханатай гэр шатаж байсныг 03:20 цагт гал түймрийн тархалтыг зогсоож, 04:38 цагт бүрэн унтраасан. Уг гал түймэрт М найман настай эрэгтэй, М гурван настай эрэгтэй өртөж, нас барсан байна. Цогцсыг 03:43 цагт гаргаж, аймгийн Цагдаагийн газарт шилжүүлэн өгчээ.