Гар, хоолойн замаар халдварладаг энтеровирусийн тархалт өндөр байгаагаас үүдэн ХӨСҮТ-ийн ачаалал нэмэгдэж, ор дүүрсэн гэх мэдээлэл гарсан. Энэ талаар бид тус үндэсний төвийн Тандалт судалгааны албанаас тодруулахад "Манай эмнэлэгт энэ төрлийн вирусээр ачаалал зүйл байхгүй. Орны хүрэлцээгүй болтлоо ачааллаа даахгүй байна гэх мэдээлэл худал. Одоогоор энэ төрлийн вирус манай улсад цөөн тоогоор бүртгэгдсэн. Ингэхдээ нутагшмал, хөнгөн хэлбэрээр илэрдэг.  Ихэвчлэн гар, хоолойн замаар халдварладаг бөгөөд бага насны хүүхдүүдэд илрэх нь элбэг" гэв.

      Энтеровирус нь хоолой залгиураар идээтэй тууралт гарах шинж тэмдэг илэрдэг байна. Харин энэхүү вирусээр өвчилсөн бага насны хүүхдэд халуурах шинж тэмдэг давамгай илрэх бөгөөд хэвлийгээр базаж өвдөх буюу суулгах, бөөлжих онцлох шинж тэмдэг үүсдэг байна.