Баянзүрх дүүргийн 14 дүгээр хорооны “Нарт” хотхонд өнгөрсөн оны наймдугаар сарын 7-нд 11 настай Б 13 настай Э гэх охиныг 61 удаа хутгалж, амийг нь хөнөөсөн. Мөн түүний дүү долоон настай Э-г 11 удаа хутгалж биед нь хүнд гэмтэл учруулсан ноцтой хэрэг гарч байсан. Бусдын аминд хүрсэн 13 настай Б-г 14 нас хүрээгүй учир хуулийн дагуу хариуцлага хүлээх боломжгүй хэмээн үзэж хэргийг хаасан байдаг. Харин тус хэрэгт шинэ нөхцөл байдал үүссэн учир дахин шалгаж эхэлсэн гэх мэдээлэл гарсан. Энэ талаар Цагдаагийн Ерөнхий газрын мэргэжилтнээс тодрууллаа. Тэрбээр “Баянзүрх дүүргийн 14 дүгээр хороо нь Цагдаагийн нэгдүгээр хэлтэст хамаардаг юм байна. Тус хэлтсийн Мөрдөн байцаах хэлтсийн даргаас тодруулахад “11 настай Б гэх 13 настай үеэлээ хөнөөсөн гэх хэргийг дахин сэргээж, шалгалтын ажиллагааг үргэлжлүүлэх мэдээлэл ирээгүй гэсэн” гэх мэдээлэл өгсөн юм.