Цагдаагийн байгууллагын шуурхай дугаарт Хан-Уул дүүргийн IV хорооны нутаг дэвсгэрт байрлах хотхоны ... тоотод “Хулгай орсон байна” гэх дуудлага наймдугаар сарын 30-ны 11:33 цагт иржээ. Дуудлагын дагуу жижүүрийн шуурхай бүрэлдэхүүн хэргийн газарт үзлэг хийж, иргэн Т-ийн гэрээс их хэмжээний ам.доллар, үнэт эдлэл, дунд гарын хаш хөөрөг зэрэг үнэ бүхий зүйл алдагдсан болохыг тогтоосон.

                              НЦУГ-ын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид тус хэрэгт мөрдөн шалгах ажиллагаа явуулж, наймдугаар сарын 26-нд илрүүлэн баривчилсан 31 настай эрэгтэй Ш гэгч болохыг тогтоосон байна. Шалгалтаар Ш нь нийт долоон удаагийн үйлдлээр хулгайлах гэмт хэрэг үйлдэж, бусдад их хэмжээний хохирол учруулсан байж болзошгүй нөхцөл байдал тогтоогдсон бөгөөд Ш нь хулгайлсан эд зүйлсээ нууж, бусдад зарж, борлуулсан байсныг тогтоон хулгайн эд зүйлийг хураан авч мөрдөн шалгах ажиллагааг үргэлжлүүлж байгаа аж.