Төмөр зам дахь цагдаагийн газрын алба хаагчид энэ оны есдүгээр сарын 11-ний өдрийн 16:20 цагийн үед Сэлэнгэ аймгийн Мандал сумын нутаг дэвсгэрт "Сэлэнгэ-Улаанбаатар" чиглэлийн суудлын галт тэрэгний вагонд "Мансууруулах өвс биедээ авч явж байгаа хоёр хүн байна" гэсэн дуудлага, мэдээллийг шалгахад Баянгол дүүрэгт оршин суух хаягтай 17 настай, эрэгтэй "Т", 20 настай, эрэгтэй "Э" нар нь одоогоор нэр тодорхойгүй таван боодол бүхий ногоон өнгийн навчит ургамал биедээ авч явсныг илрүүлэн Төмөр зам дахь цагдаагийн газраас шалгалтын ажиллагааг явуулж байна.