Намар цагийн нээлтийг хийсэн урлаг соёлын тоглолтуудын есдүгээр сарын хуваарийг танд хүргэж байна. Энэ сард Улсын Драмын Эрдмийн Театрт та бидний үзэх дуртай хэд хэдэн жүжиг дахин тоглогдох ажээ.

Nomadic Legend - Ардын урлаг, өв соёлын тоглолт

Цагаан лавай чуулгын "Nomadic Legend" ардын урлаг, өв соёлын тоглолт 18:00 цагт тоглогдох байна. Уг тоглолт нь үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг, ардын бүжиг, бие биелгээ, хөөмий, магтаал, морин хуур, цамын бүжиг, уртын болон ардын дуу, уран нугаралт гээд ардын урлагийн цогц хөтөлбөртэй тоглолт юм.й

Хэзээ: Есдүгээр сарын 12-нд
Хаана: Ган зам плас

А.П.Чехов “ Хунгийн дуу” драмын жүжиг

Хэзээ: Есдүгээр сарын 15-20-ны өдрүүдэд 19:00 цагт
Хаана: Bee theatre Mongolia

"ЧИ НАДАД ХАЙРТАЙ" мюзикл жүжиг

Красногоров Валентин Самуиловичын албан ёсны эрхтэйгээр "ЧИ НАДАД ХАЙРТАЙ" мюзикл инээдмийн жүжиг "Риакш" продакшн үзэгчдэд хүргэх гэж байна.

Хэзээ: Есдүгээр сарын 15-20-ны өдрүүдэд 19:00 цагт
Хаана: МҮЭСТО

Гипнозын Сэрэхүй Шоу

ХБНГУ-ын алдарт гипнозчин Манфред Кноке 9-р сарын 15-ний өдөр UB palace-д Гиннессийн амжилтыг эвдсэн үзүүлбэрүүдээ Монголчуудад зориулан хүргэх гэж байна. Ховсын эмчилгээгээр ХБНГерман улсад 37 жил дагнаж ажилласан туршлагатай багш, сэтгэц судлаач Манкрейд Кноке өөрийн биеэр ирж гипнозын тухай зааж, үзүүлэх ба цөөн хүмүүст эмчилгээ хийх болно.  Тэрбээр Таргалалт, Архи Тамхи, Нойргүйдэл гэх мэт өдөр тутмын хэвшил болсон зүйлийг анагаах чиглэлээр олон улсын хэмжээнд эмчилгээ, сургалт өгдөг туршлагатай багш юм. Энэхүү гипнозын эмчилгээ нь өдөр тутамд хэвшил болсон сэтгэл зүйн дадлыг эергээр өөрчлөх хүсэлтэй хүмүүстэй ажиллаж, дадал зуршлыг арилгах үр дүнд хүрэх зорилготой эмчилгээ юм.

Хэзээ: Есдүгээр сарын 15-нд 19:00 цагт
Хаана: Улаанбаатар плас

“Би ч гэсэн жаргамаар байна” уянгын драмын жүжиг

Жүжгийн баатрууд бол баатарлаг хүмүүс биш, тэд жирийн л  хүмүүс, тэд сул тал, эргэлзээ, тээнэгэлзэл болон ихээхэн хэмжээний хувиа хичээсэн зантай. Гэхдээ би үүнд өрөвдөн ханддаг. Тэр аз жаргалгүй, гэвч аз жаргалыг маш их хүсдэг бөгөөд түүнд хүрэхийг эрмэлздэг. 2010 онд нээлтээ хийж байсан Оросын нэрт зохиолч В.И Красногоровын бүтээл "Би ч гэсэн жаргамаар байна" уянгын драмын дахин тайзнаа тоглогдоно.

Хэзээ: Есдүгээр сарын 16-18-ны өдрүүдэд
Хаана: Улсын Драмын Эрдмийн Театр

"Миний аав супер баатар" хүүхдийн жүжиг

Шавжийн ертөнцийн бяцхан хотод амьдардаг шоргоолж хүү нь тэр хотын хамгаалагч агуу хүчит супер баатрын адил ер бусын хүчтэй супер баатар болох хүсэл мөрөөдөлтэй ажээ... Эрдэм номдоо шамдвал эрэлхэг баатар болно гэсэн эцэг эхийнхээ сургаалыг үл ойшоон амар хялбар аргаар шидэт хүчийг олохоор хорон санаат хөгшин аалзны гэрт найзуудын хамтаар хууртагдан очно. Гэрээсээ төөрсөн гэгдэх бяцхан шавжуудыг хайсаар супер баатар хөгшин аалзны оромжид ирлээ... Бяцхан шавжуудыг ховдог аалзны оройн зоог болохоос урьтаж аварсан тэрхүү супер баатар нь шоргоолж хүүгийн цэвэрлэгч аав нь байсныг шоргоолж хүү сүүлд ойлгожээ.

Хэзээ: Есдүгээр сарын 17,18-ны өдөр 12:00 болон 14:00 цагт
Хаана: Улсын Драмын Эрдмийн Театр

"BEST OF THE BEST” тоглолт

UBS телевизийн 30 жилийн ойн зориулсан "BEST OF THE BEST” хүндэтгэлийн тоглолт

Хэзээ: Есдүгээр сарын 17-нд 19:00 цагт
Хаана: Улаанбаатар плас

"Бүсгүйн зурвас" уянгын драм

Энэ нийгэм нэг л биш байна гэдгийг хүн бүр мэдрээд байна. Бүсгүйн зурвас бол өнөөгийн нийгмийг өөрчлөх гэсэн бидний зурвас. Хоёр өөр орчинд хүн болж өсчихөөд бие биендээ уусна нэгдэнэ гэдэг амаргүй даваа. Бүхий л цаг хугацааны туршид хайр улам цэцэглэж, бас үгүй болдог. Л.Өлзийтөгсийн зохиол "Бүсгүйн зурвас" уянгын драм жүжиг.

Хэзээ: Есдүгээр сарын 23-нд 19:00 цагт, Есдүгээр сарын 24,25-нд 18:00 цагт
Хаана: Улсын Драмын Эрдмийн Театр

"НАДТАЙ ҮЛДЭЭЧ" уянгын драмын жүжиг

Чиний хажууд би өөрөөсөө өөр байж чадахгүй, Чиний хажууд би өөрийнхөө хамгийн төгс дүр нь. Хэн нь хэндээ “Надтай үлдээч ...” гэж чин сэтгэлээсээ хэлэх бол “Надтай үлдээч” уянгын драмын жүжиг.

Хэзээ: Есдүгээр сарын 28-30-ны өдрүүдэд 19:00 цагт
Хаана: Улсын Драмын Эрдмийн Театр