Найзынхаа гэрээс "Гэр лүүгээ явна" гэж гарсан 10 настай Л.Нармандах энэ сарын 8-нд сураггүй алга болжээ. Тэрбээр гэрээсээ гарахдаа улаан цамц, цэнхэр биеийн тамирын өмд, хар пүүз, хар хөх цүнхтэй гарсан байна. 10 настай хүүг  олсон эсэхийг түүний эгчээс тодрууллаа. Тэрбээр “Дүүг минь Согинохайрхан дүүргийн цагдаа нар өчигдөр орой олсон. Бид дүүгээ цагдаагийн хэлтсээс очиж авсан. Бид Өлзийт хороололд зургуулаа амьдардаг. Харин цагдаа нар дүүг минь Баянхошууны эцсээс олсон юм билээ. Дүү минь бэртэж, гэмтээгүй байна. Бидэнд хаана, юу хийж хоносон тухайгаа огт хэлэхгүй, нуугаад байгаа. Дүү минь өмнө нь сураггүй алга болж байгаагүй” гэсэн юм.