Нэгдүгээр дамжааны оюутан охин сураггүй алга болж, ар гэрийнхэн нь эрэн хайж байна. Тодруулбал, 18 настай М гэх охин есдүгээр сарын 5-ны өглөө "Хичээлдээ явлаа" гэж гараад алга болжээ.

    Энэ талаар алга болсон охины ар гэрээс тодруулахад "Охин минь энэ жил оюутан болсон. "Хичээлдээ явлаа" гэж хэлээд алга болчихсон. Алга болдог өдрөө сургууль руугаа очоогүй байна лээ. Цагдаагийн байгууллагад мэдэгдэж, эрлийн ажиллагаа үргэлжилж байна. Охины минь сураг гарч байгаа. Танихгүй хүмүүс залгаж, "Тэнд, энд явж байна" гэж хэлсэн. Мэдээллийн дагуу хяналтын камер шалгаж, хайж байна. Ямартай ч эсэн мэнд олдох сураг дуулдаад байна" гэв.