Тайчих бааранд үйлчлүүлж байсан Гаалийн Ерөнхий газрын улсын ахлах байцаагчаас хар тамхи илэрчээ. Тодруулбал, өнгөрсөн шөнө Эрүүгийн цагдаагийн албанаас тайчих үзүүлбэр үзүүлдэг “SQ”, STVX” бааранд шалгалт хийжээ. Шалгалтын үеэр тайчих үзүүлбэр үзүүлдэг охид болон дээр дурдсан үйлчлүүлэгчээс хар тамхи илэрсэн байна. Энэ талаар Гаалийн Ерөнхий газрын дарга Б.Асралтаас тодрууллаа. Тэрбээр “Манай улсын байцаагчаас хар тамхи илэрсэн гэх мэдээллийг сая харлаа. Ямар байцаагчаас илэрснийг нь мэдэхгүй байна. Тус мэдээлэл үнэн эсэхийг Эрүүгийн цагдаагийн газраас тодруулж байгаа. Харин манайх руу цагдаагийн газраас холбогдоогүй байна” гэлээ.