Үндэсний соёл амралтын хүрээлэнг тохижуулахаар боллоо. Үүнтэй холбогдуулан паркийн тоглоомын шинэчлэлт, засвар үйлчилгээний талаар ҮСАХ-ийн гүйцэтгэх захирал Н.Мэндбаяр мэдээлэл хийлээ.

Тэрбээр "Манай оронд Диснейлэнд шиг парк байгуулахад хэцүү байсан. Цаг агаарын эрс тэс уур амьсгалаас үүдэн гаднах тоглоомууд маш их элэгддэг. Гэхдээ тоглоомыг шинэчлэх ажлыг жил болгон хийж байна. Одоогийн байдлаар нэгдүгээр ээлжийн хөгжүүлэлт буюу тоглоомын хэсэг, гадна тохижилтын ажлыг хийж байгаа. Жил бүр хүүхэд залууст зориулсан тоглоомыг нэмэлтээр байршуулж байгаа. Өнөөдрийн байдлаар 23 тоглоомтой, давхар бусад үйл ажиллагаа явж байна. 2020, 2021 онд КОВИД-ын асуудлаас үүдэн тоглоомоо шинэчилж чадаагүй байсан. Харин энэ онд дөрвөн тоглоом шинээр нэмсэн. Дээр дурдсан төслийн хоёрдугаар үе эхэлснээр санхүүгийн хувьд бие даасан байдалтай болно" гэв.