Ардчилсан намын гишүүн Д.Алтанхуяг С.Эрдэнэд холбогдох асуудлаар дээд шүүхийн гадна мэдээлэл хийлээ.

    Тэрбээр “С.Эрдэнэ нь ардчилсан намыг итгэмжлэлгүйгээр төлөөлөх хүсэлт өгснийг нь эсэргүүцэж, хангалттай шалтгаануудыг дурдсан өргөдөлийг дээд шүүхэд өгөх гэж байна. 2020 сонгууль дуусахад Ардчилсан намын даргын суудлаас огцорсон мөртлөө албаар будилаан хутгаж цаашлаад ардчилсан намын үйл ажиллагаанд саад учруулсан. Ардчилсан намын даргаар Тулгат гэдэг залуу албан ёсоор сонгогдсон. Долдугаар сарын 02-ны өдөр ардчилсан намын их хурал нь дүрмийн бус хурал болсон. С.Эрдэнэ намын дарга биш мөртлөө хурлын индэр дээрээс албаар гишүүдийг үл тоож, санал хураалт, хэлэлцүүлэг хийгээгүй. Ардчилсан намыг итгэмжлэлгүйгээр төлөөлөх нь дүрмийн бус учир бид С.Эрдэнийг сонгохгүй байх хангалттай үндэслэлийг дээд шүүхэд өргөн барих гэж байна. Өнгөрсөн долоон сард ардчилсан намын залуучуудын үүсгэн байгуулсан Од клубыг байгуулсан. Тэдгээр залуус фракцуудыг нэгтгэн зөвшилцсөний үндсэн дээр ардчилсан намы даргыг сонгоё гэж уриалсан. Үүний дараа бусад намын гишүүдээс ч бас уриалга гарсан. Хамгийн гол зорилго нь чадварлаг сөрөг хүчинг бий болгох засгийн эрхийг тогтвортой байлгах зорилготой. Энэхүү уриалга эхнээсээ хэрэгжиж эхэлж байна. Харин С.Эрдэнэ гэх хүнд Ардчилсан намыг сонгуулиар ялалт байгуулах, улс эх орны төлөө ажиллая гэх сэтгэл, чадвар байхгүй. Тиймээс миний хувьд Ардчилсан намыг зөв гольдролд оруулахын тулд С.Эрдэнэ гэдэг хүнийг эсэргүүцсээр байх болно. Миний энэ үйлдлээс болж надад ямар нэгэн арга хэмжээ авч, намаас хөөнө гэсэн үндэслэл байхгүй. Надаар зогсохгүй С.Эрдэнийг жигшэж байгаа олон хүмүүс бий” гэв.