Боловсрол, шинжлэх ухааны сайдын 2022 оны наймдугаар сарын 19-ний А/296 дугаар тушаалаар ХҮИС-ийн сургалт эрхлэх тусгай зөвшөөрлийг цуцалсан. Тэгвэл тусгай зөвшөөрлөө цуцлуулсан ХҮИС-иас Боловсрол, шинжлэх ухааны яамыг шүүхэд өгөхөөр болжээ.

                          ХҮИС-ийн тусгай зөвшөөрлийг цуцлахдаа Боловсролын тухай хуулийн 24.1.1-т заасан “Мэргэжлийн хяналтын байгууллагын дүгнэлтээр стандарт зөрчсөн, сургалт эрхлэх тусгай зөвшөөрлийн нөхцөл шаардлагыг удаа дараа хангаагүй болох нь тогтоогдсон” гэх үндэслэлээр цуцалсан. Улмаар өнгөрсөн есдүгээр сарын 1-ний өдөр БШУЯ болон МУИС-ийн хамтарсан Ажлын хэсэг ХҮИС-д очиж, тогтоолыг танилцуулан тус сургуулийн захирлыг чөлөөлжээ. Харин түүнээс хойш БШУЯ, МУИС-ийн ямар нэгэн албан ажил хийгээгүй учир ХҮИС-иас сургалтын үйл ажиллагаагаа нээж, бодит байдалтай нийцээгүй гэх БШУ-ны сайдын тогтоол, БШУЯ-ыг шүүхэд өгөхөөр болсон байна.