301 ДҮГЭЭР ЦЭЦЭРЛЭГИЙН ЭРХЛЭГЧ О.ОЮУМАА: ЭЦЭГ, ЭХЧҮҮД ХҮҮХДЭЭ ЦЭЦЭРЛЭГТ НЬ ХУРДАН ӨГӨХИЙН ТУЛД МӨНГӨ ХУРААЖ, АНГИЙГ НЬ ТОХИЖУУЛЖ БАЙГАА

2022-09-07, 387

Боловсрол, шинжлэх ухааны сайд энэ жил бүх хүүхдийг цэцэрлэгт хамруулах шийдвэр гарсан. Үүнтэй холбоотойгоор 301 дүгээр цэцэрлэг байр түрээсэлж, салбар цэцэрлэгтэй болсон билээ. Одоогийн байдлаар цэцэрлэг бүрэн тохижоогүй учир хүүхдүүд авах боломжгүй байгаа аж. Гэвч эцэг, эхчүүд хүүхдүүдээ цэцэрлэгт нь явуулж, ажлаа хийхийн тулд 70-120 мянган төгрөг хурааж, ангийг нь тохижуулж, хөнжил, гудас, ширээ сандал, хоолны саваар хангаж байгаа аж. Энэ зарим эцэг, эхчүүд их мөнгө хурааж байна гэх гомдол, мэдээлэл гаргаад буй. Үүнтэй холбоотойгоо тус цэцэрлэгийн эрхлэгч О.Оюумаагаас зарим зүйлийг тодрууллаа. Тэрбээр “Манай цэцэрлэг дөрвөн бүлэгтэй, 98 хүүхэд бүртгүүлчихсэн байгаа. Улсаас цэцэрлэгийг бүрэн тохижуулж амжаагүй байна. Цэцэрлэгийн тоног, төхөөрөмж, хөргөгч, хөлдөөгч зэрэг үе шаттайгаар ирж байгаа. Бусад салбарт цэцэрлэгүүд манайхтай адил хүлээлтийн байдалтай байгаа. Энэ үед эцэг, эхчүүд хүүхдээ цэцэрлэгт хурдан хамруулахын тулд мөнгө хурааж, хөнжил, гудас, ширээ, сандал, тоглоомын сав зэргийг авч, анги бүрийг тохижуулж эхэлсэн. Харин цэцэрлэгийн удирдлагын зүгээс "мөнгө хурааж болохгүй" гэдгийг хэлсэн. Гэвч эцэг, эхчүүдийн зөвлөл дээрх шийдвэрийг гаргаж, хүүхдээ цэцэрлэгт өгч байгаа” гэсэн юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2022-09-07 18:52:01

Iregen 1 : Yagaad hudlaa yriad bgam boloo shine salbar tsetserlegiin 100huwi etseg ehchuud tohijuuulj ogood odoo hewiin hvvhdvvd ni ywj bgaa harin tov tsetserlegiin nodnin bas l etseg ehchuudees 70 80k tsugluulj tohijuulsan ene jil ahiad l 150k ogch tohiijuulj ingehdee bvvr bvh heregsel tawilgiin avch og h bn shudee