Баянзүрх дүүргийн 40-р хороо 72-р хотхоны 1,2-р байрны хойно 21 гараашийг буулгаж иргэдийн санал хүсэлтэд тулгуурлан ил зогсоол, ногоон байгууламжийн ажлыг Нийслэлийн Баянзүрх дүүргээс эхлүүлээд байна. 

      Нийслэлийн Баянзүрх дүүргийн засаг дарга Н.Баярмөнх ажлын явцтай танилцлаа. Тэрбээр “Гарааш буулгах явцад өмчлөлийн нэг гарааш үлдэж, ажлын явцыг удаашруулж байна. Ашиглалтын шаардлага хангахаа больсон, нурж унахад бэлэн гарааш үлдсэн. Хариуцаж буй газрын албаны байцаагчийг дуудаж холбогдох санал хүсэлтээ мэргэжлийн байгууллагуудад тавьж арга хэмжээ авахыг чиглэл болголоо. Манай баг хамт олон газар чөлөөлж ногоон байгууламж, авто зогсоол, явган замын тохижилтын ажил хийж байгаад иргэд талархалтай хандаж, дэмжиж, хамтран ажиллаж байна. Гэтэл ийм асуудал үүсгэсэн зарим иргэдтэй, хамтран ажиллахад хүндрэлтэй байна. Тиймээс дүүргийн Засаг дарга, Нийслэлийн ИТХ-ын төлөөлөгчийн хувьд холбогдох саналыг Нийслэлийн ИТХ-ын ээлжит чуулганаар илэрхийлж, бодлого гаргуулна” гэв.