Нийслэлийн Онцгой байдлын газрын “Хөл бөмбөг”-ийн аварга шалгаруулах тэмцээн 2022 оны есдүгээр сарын 9-ний өдөр ОБЕГ-ын Давтан сургалт, сэргээн заслын төв-113 дугаар ангийн Хөл бөмбөгийн талбайд зохион байгуулагдана.

     Тэмцээний техникийн зөвлөгөөн өнөөдөр НОБГ-т боллоо.Техникийн зөвлөгөөнийг Тэргүүн дэд дарга, хурандаа Д.Мөнхсайхан удирдаж, зохион байгуулалт, бэлтгэл ажлыг хангах асуудлаар үүрэг чиглэл өглөө. Тус тэмцээнийг нийслэлийн Онцгой байдлын газрын Биеийн тамир, спортын орон тооны бус зөвлөлийн төлөвлөгөөнд тусгасны дагуу Ахлагчийн зөвлөл, Баянзүрх дүүргийн Онцгой байдлын хэлтэс хамтран зохион байгуулж байгаа юм.

     Тэмцээнд нийслэлийн Онцгой байдлын газар- Гамшгаас хамгаалах сургалт арга, зүйн төв нэг баг, Дүүргүүдийн Онцгой байдлын хэлтэс, Аврах анги, Гэрээт галын хэсгийн хяналтын байцаагч нар тус бүр нэг  баг бүрдүүлэн нийт 12 баг оролцоно.

Баг тус бүр 13 хүний бүрэлдэхүүнтэй байна. Үүнд / хоёр хаалгач/

• Тоглолтууд талдаа 15 минутаар хоёр үе тоглоно.
• Багууд жигд хувцастай, хамгаалалтын хэрэгсэл, хувийн дугаартай байна.
• Ёс журмын эргүүл  батлагдсан хуваарийн дагуу хяналт тавьж, үүрэг гүйцэтгэнэ.
• Хэлтсийн дарга, хэлтсийн орлогч, Ангийн захирагч нарын аль нэг албан тушаалтан багт заавал оролцоно.
• Тэмцээнийг Аврагч биеийн тамир, техник спортын хороо 120 дугаар ангийн шүүгч нар Монголын хөл бөмбөгийн холбооны гадна талбайн дүрмээр зохион байгуулна.
• Нийт 12 баг дөрвөн хэсэгт хуваагдаж онооны журмаар тоглож хэсгээс нэг баг гарна. Хэсгүүдээс гарсан нэг баг сугалаагаар оноолт таарч хагас шигшээ тоглолтод тоглож, хожсон хоёр  баг тэргүүн байрны төлөө, хожигдсон хоёр баг гутгаар байрны төлөөх тоглолтод оролцоно гэлээ.