Энэ оны есдүгээр сарын 01-ний өдөр Дорноговь аймгийн Сайхандулаан сумын нэгдүгээр багийн нутаг дэвсгэр “Хоёр мод” гэх газраас тус суманд оршин суух 40 настай эрэгтэй “Э” нь ховор төрлийн амьтан болох хулан агнажээ. Тус иргэн энэ оны есдүгээр сарын 02-ны өдөр Сайншанд сумын нутаг дэвсгэрт худалдан борлуулж байхад нь цагдаагийн алба хаагчид илрүүллээ. Дээрх үйлдэлд Дорноговь аймаг дахь цагдаагийн газраас мөрдөн шалгах ажиллагаа явуулж байна.