Засгийн газрын хуралдаанаас гарсан шийдвэрүүдийг танилцуулж байна. Энэ үеэр Гадаад харилцааны сайд Б.Батцэцэг Ерөнхийлөгч У.Хүрэлсүх болон Ерөнхий сайд Л.Оюун-Эрдэнэ нарын оролцох чуулга уулзалтын талаар мэдээлэл хийлээ.

   Тэрбээр "Өнөөдрийн Засгийн газрын хуралдаанаар хоёр асуудлыг хэлэлцлээ. Ерөнхийлөгч  У.Хүрэлсүх АНУ-ын Нью-Йорк хотноо болох НҮБ-ын Ерөнхий ассамблейн 77 дугаар чуулга уулзалтад оролцохоор болсон. “Шийдвэрлэх мөч, харилцан хамааралтай сорилтуудад өөрчлөлт авчрах шийдлүүд” сэдвийн дор есдүгээр сарын 20-26-нд  болно. Ерөнхийлөгч энэхүү чуулганы ерөнхий санал шүүмжлэлд оролцож олон улсын харилцааны тулгамдсан асуудлаар Монгол Улсын байр суурь, төр засгаас хэрэгжүүлж буй гадаад бодлогын зорилт чиглэл, нийгэм эдийн засгийн байдал, тулгамдаж буй саад бэрхшээлийг даван туулах талаар хэрэгжүүлж буй бодлого үйл ажиллагааг танилцуулна.

   Дорнын Эдийн засгийн чуулга уулзалтад Ерөнхий сайд Л.Оюун-Эрдэнэ оролцоно. Эдийн засгийн чуулга уулзалтад оролцох нь улс орны хувьд маш чухал үүрэг гүйцэтгэдэг учир манай улс тогтмол оролцдог. Тус уулзалтаар Ерөнхий сайд Л.Оюун-Эрдэнэ томоохон төсөл болох Эгийн голын усан цахилгаан станц, төмөр замын асуудал, эрчим хүч нийлүүлэлт болон  шатахууны тогтвортой хангамж, үнийн талаар ОХУ-ын ерөнхийлөгч В.Путин болон Засгийн газрын гишүүд, төрийн өмчит компаниудын удирдлагуудтай уулзалт хийхээр тохирсон байгаа. Хоёр хөршийн харилцаанд тэргүүлэх ач холбогдол өгдөг гадаад бодлогыг гуравдагч хөршүүд сайн ойлгодог. Монгол Улсын энхийг эрхэмлэсэн,нээлттэй, бие даасан улс.

Мөн Япон Улс санхүүжүүлэлт, тусламж зэргээ зогсоосон гэх мэдээлэл хуурамч бөгөөд хоёр орны найрсаг харилцаанд сөрөг нөлөө үзүүлж байна."гэв.